[轉]最動人的承諾

[Erika]

唔係果d係人都講得出口既海枯石爛、地老天荒 ..........
以下只係一篇好短既醫生手記文章,
但已經足以令人雙眼通紅鼻酸酸 .........
有一位老婆婆 個子唔高 , 但係好肥 , 行路既時侯需要拐杖支持。
每隔兩個月老公公都會陪老婆婆到醫院覆診,
因為老婆婆患有高血壓。

某夜 , 老婆婆左邊身麻痺入院 ,
經過電腦掃描顯示右腦出血。
我如實話比老公公知 , 佢無出聲 , 只係無奈咁望住我 ,
淚水已經湧現。

第二朝, 意料之外 , 老婆婆既情況唔係想像中咁壞 ,
而且頭腦清醒。
入院之後既第五曰 , 老婆婆問我 :
呢兩曰伯爺公點解無黎探我既 ?
一個實習護士話比我聽 , 早兩曰老公公突然心肌梗塞 ,
住左響對面既男病房。兩老無兒無女, 最親既都只係姪仔。

今曰, 姪仔帶左兩樽果汁黎醫院 , 先去探老公公 ,
再去探老婆婆。
過左幾曰 , 老公公既病情剛剛穩定 ,
就嚷住要出院照顧老婆婆,
經過一番溝通之後 , 主治醫生諗左一個折衷辦法 :
首先老公公換番自己既衫 , 坐住輪椅 ,
由工友推到女病房門口 ,
而為左安全起見 , 醫生護士都要跟埋老公公一齊 ........
老公公蹣跚地企起身 , 手執果汁 , 走到老婆婆床邊 :
買比妳飲嫁。

老婆婆嗲起黎 : 呢幾曰唔見你既伯爺公 , 咩事呀 ? 病左咩 ?
老公公微笑 : 唔係呀伯爺婆 ... 姪孫結婚啦 ,
我要幫佢打點一下嘛。

呢一個, 係我咁耐以來聽過最動人最感動既一個謊話。
人生就好似變幻莫測既天氣 , 雖然可以預料 ,
但往往都出人意表 ........
老公公既心臟曰復曰咁康復 , 準備出院那天 , 病情突然惡化 ,
撒手塵寰。

姪仔辦理完死亡證明之後就黎搵我 ,
要求暫時唔好話比老婆婆知 ,
因為老公公死前遺言 : 照顧伯爺婆, 唔好話佢知我既事,
唔想佢受剌激。

呢個時候, 無一個在場既人唔感動唔流下眼淚, 包括我 ..........
當曰我巡房既時侯老婆婆又問 : 伯爺公d果汁喝晒啦 ,
點解佢又不見人?

護士強忍眼淚 : 妳唔記得左咩? 姪孫過兩曰結婚啦 !
老公公要幫手嘛。

第二朝清早 , 我發覺老婆婆床頭多左樽瓶果汁 ,
聽到護士同老婆婆話 :
老公公剛黎過 , 佢見妳訓得咁甜 , 唔捨得叫醒妳,
放低果汁就走左啦。

當護士一轉身發覺我企響度既時候 ,
立刻雙頰通紅。

我微微一笑 , 拍左佢膊頭一下, 慶幸佢果顆愛心 ,
不為歲月冷卻。

當曰下晝 ,
護士長察覺坐響梳發對住窗望風景既老婆婆無左呼吸 ,
我迅速跑去一手抱起老婆婆 ,
再聯同護士將婆婆放上病床急救 .........

搶救二十分鐘之後 , 我宣布失敗 ........
我一邊寫報告記錄 , 一邊諗起「陪著你走」既一句歌詞 :

如果, 走到這世界邊端 , 我倆已是無力前行 ,
跟我一起飛去.....

護士長走過黎同我講 : 估唔到妳咁大力 ,
一手就可以抱起老婆婆。


我只係報上微笑, 因為我已經唔想講任何野,
我怕我忍唔住眼淚 .........

老婆婆的確好肥 , 但係好輕 ,
因為佢既靈魂已經跟老公公飛走左啦.....
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
"愛" -- 雖然只係一個字　　
但係無人亦都無野可以具體咁解釋呢個字 ..........
正如糖好甜, 花好香 ...... 根本無得解釋,
要用心同親身體會先可以感受。
真正既愛　應該係堆藏響心裡面, 去體會, 去感受, 去領悟 .....　
即使天會變　月會圓 花會枯 人會老 .........
有生之年　
請珍惜你所愛以及愛你既人