上年,我去银行,打算将一大堆散纸换成大纸,(本人有一坏习惯,平时有1蚊 5毫.就放系柜桶),因为我都知道太多,数起身会好麻烦,所以我事前就分类叠好,自己数过,大概有400蚊左右,
当时我到银行后,讲明我既来意,但系银行既职员就话我知,要换既话,就要填一份表格,填好后将散纸留低,留低电话号码,10~15个工作日就通知我去收钱。
我当时听到就觉得无理由,但系我就无去理论.
以下系我同银行职员既对话......
职员: 先生,根据规定,系10~15个工作日内,我地就会通知你收钱.
我 : 哦,咁样既话,我就吾换散纸,我要开新帐号.
职员: 吾好意思,开新帐号都吾可以一次过将大量散纸存入去.
我 : 有无搞错,我存钱都吾得啊,咩规定啊.
职员: 按规定,我地都无办法.希望你能够体谅.(呸..边个体谅我地D小市民啊)
(我走到另一边放宣传单既柜台,将D散纸分成10蚊一份,大概5分钟,再走过去)
我 : 我依家就要开帐号,10蚊一个,依度有30份,吾该你同我开30个帐号.(5毫无计算在内)
(当时所有在场人士,个个都眼定定望住我,大概5秒左右,一个有D似经理既人同我讲)
经理: 你咁样做,系吾系想扰乱金融秩序啊.
我 : 边一份文件有规定,吾畀开新帐号啊,你有依份文件,我就听你地讲,点处理就点处理.
经理: 如果你搞事,我地就报警.等公安局处理你.
(吓我啊)
我 : 我吾系搞事,难道我开帐号都犯法咩..(当时有几个上年纪既人,细细声话,好啊,米等你地银行可以虾我地D市民)
(个经理系一个职员耳边讲几句话,就走入里面办公室,)
职员: 先生,麻烦你将所有散纸畀我点算下,依家同你换.
我 : 吾好意思,我依家吾想换,只想开新帐号.
职员: 你咁样做,就系为难我地啊.
我 :刚才你地吾系话,吾可以换咩.依家同我换,咁样算吾算违规操作啊.
(所有职员更加眼光光....)
无可奈何之下,职员只好同按我意思做,同我开30个新帐号..大概过了半个钟左右,嘿..30个存折放系我面前,
我手上拿住30个存折,对住所有系度等紧既人,讲“吾好意思,阻你地D时间,好抱歉！”
系我走之前,我对银行职员讲银行吾系大晒,我听日再黎将依30个帐号消号.)
讲完就掉头走出门口,当时有好几个老人家,连声叫好.
（真系佩服距有甘既勇气！！！）