yohoooo
2006-03-03, 11:27 PM
3月3日
晴！室外好暖，室内好冻！:confused: :confused:
临上床醒起好似有件事未做，想来想去卒之谂起，应承当日记咁写，每日发一贴！好，就从而家起！
不过，话写又唔知点写起！就先写吓写日记o既心情喇！
讲番起新，都好耐冇写日记咯！以前番学时都时不时写吓日记，写吓诗咁！唔好笑，好似我哋啲咁o既年纪（3张有多）多多少少都受过席慕容o既影响，唔多唔少都写过吓诗架！而家唔知啲学生仲有冇好似我哋咁样呢？
到佐大学毕业之后就一直冇写过乜嘢，有时提起笔都忘字！唔知系咩嘢原因！可能系懒，又或者系娱乐太多，总之字越写越少，酒就越饮越多！仲有就系可能而家冇呢种心情！
终于讲到心情！心情系乜？相信冇几多人可以准确描述，心情系心理？系感觉？系情绪？定系思想？好似都唔准确！你话汉语系未好难呢？英语一个mood就基本搞掂上面几个意思咯！
算数，唔理咁多先！再讲番写日记o既心情，记得以前最早写日记时系俾老窦逼住写o既，所以有鬼有心情，通通都系流水帐，写埋都系食佐乜做佐乜仲有就系数学攞佐99分（犀利挂？不过系小学o既成绩）！大佐少少，开始俾多佐心机，开始写吓风景！个时中意踩部单车四围逛，所以多佐留意身边唔同o既风景！再大个少少，大家都应该知道会系写啲乜喇！虽然而家可能好普遍，但十几年前我绝对算得上早恋！所以多数写吓情呀爱呀等等，仲有就系诗开始登场！就咁断断续续番到大学都有写过吓，不过数量就越来越少，到而家我都觉得遗憾！因为番大学实在系太开心，冇记低真系可惜！
睇番上面所讲，写日记o既心情冇一定o既规律！有无奈，有开心，有激情，有遗憾，仲有就系而家咁：有期待――唔知有冇人请消夜呢？
呢啲感觉大家有冇似曾相识呢？――当然有啦，生活里便多的是啦！冇错喇！生活其实就系一本日记，写呢本日记o既心情就系你对生活o既态度，唔同o既系日记写系日记本，生活写系你个心！大家想系生活呢本日记里面写多啲开心o既嘢个话，自己识做啦！！
话时话有冇人请消夜啫？？
（PS：以后写日记贴唔用广东话咯，鬼咁难揾啲字）
晴！室外好暖，室内好冻！:confused: :confused:
临上床醒起好似有件事未做，想来想去卒之谂起，应承当日记咁写，每日发一贴！好，就从而家起！
不过，话写又唔知点写起！就先写吓写日记o既心情喇！
讲番起新，都好耐冇写日记咯！以前番学时都时不时写吓日记，写吓诗咁！唔好笑，好似我哋啲咁o既年纪（3张有多）多多少少都受过席慕容o既影响，唔多唔少都写过吓诗架！而家唔知啲学生仲有冇好似我哋咁样呢？
到佐大学毕业之后就一直冇写过乜嘢，有时提起笔都忘字！唔知系咩嘢原因！可能系懒，又或者系娱乐太多，总之字越写越少，酒就越饮越多！仲有就系可能而家冇呢种心情！
终于讲到心情！心情系乜？相信冇几多人可以准确描述，心情系心理？系感觉？系情绪？定系思想？好似都唔准确！你话汉语系未好难呢？英语一个mood就基本搞掂上面几个意思咯！
算数，唔理咁多先！再讲番写日记o既心情，记得以前最早写日记时系俾老窦逼住写o既，所以有鬼有心情，通通都系流水帐，写埋都系食佐乜做佐乜仲有就系数学攞佐99分（犀利挂？不过系小学o既成绩）！大佐少少，开始俾多佐心机，开始写吓风景！个时中意踩部单车四围逛，所以多佐留意身边唔同o既风景！再大个少少，大家都应该知道会系写啲乜喇！虽然而家可能好普遍，但十几年前我绝对算得上早恋！所以多数写吓情呀爱呀等等，仲有就系诗开始登场！就咁断断续续番到大学都有写过吓，不过数量就越来越少，到而家我都觉得遗憾！因为番大学实在系太开心，冇记低真系可惜！
睇番上面所讲，写日记o既心情冇一定o既规律！有无奈，有开心，有激情，有遗憾，仲有就系而家咁：有期待――唔知有冇人请消夜呢？
呢啲感觉大家有冇似曾相识呢？――当然有啦，生活里便多的是啦！冇错喇！生活其实就系一本日记，写呢本日记o既心情就系你对生活o既态度，唔同o既系日记写系日记本，生活写系你个心！大家想系生活呢本日记里面写多啲开心o既嘢个话，自己识做啦！！
话时话有冇人请消夜啫？？
（PS：以后写日记贴唔用广东话咯，鬼咁难揾啲字）